سورية حياتي يا برشلونة

سورية حياتي يا برشلونة


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

شاكل الشباب والاسره

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 شاكل الشباب والاسره في الأحد يوليو 05, 2009 2:33 pm

[السلام عليكم ورحمة الله وبركاته
وشلونكم؟؟وش اخباركم عساكم بخييير....
المهم انا بأسلكم عن موقف واتمنى تحللونه وتقولون الصح من الغلط والموقف بشكل عام هو صح او غلط؟؟ لاني محتااااره !!!
اتمنى من الاعضاء انهم يجاوبو وبالذات }مــشــرفــي الــقــســم{
اذا ماعليكم كلاااااااافه

((مره من المرات طلعنا لمكان عائلي واخواني كانو يلعبون وانا عشاني الكبيره

مااقدر العب ولا اسوي شي وجالسه طفشاااااااانه .....اخذت جوال ابوي وفتحت

البلوتوث ]اصلا انا ماعندي سالفه فيه بس طفشانه وش اسوي؟؟؟!!![وفتحته

وارسلت ]ممكن نتعرف؟[ لشخص لقبه سنوات الضياع وانا ماادري هو بنت ولا

ولد وبعدين ارسل صوره عليها كلام حب وانا ماقريتها وارسلت له مره ثانيه]انت

بوي ولا قيرل؟[ ابي اتاكد انه ولد او بنت ارسل كلام حب ثاني وبعدين ارسلت] لو

سمحت رد انت تمساح ولا سحليه[ارسل صورة رجال وعليه رقمه وارسل كلام

حب انا ماقريت ولاشي لاني ماعندي سالفه في الحب!!!وبعدين ارسلت له]انت

تمساااااح؟؟!! مالت عليك بالخمس وعععععع اكرههههكم يالتماسيح[

بصراحه ذاك الوقت ودي اتهاوش مع أي احد المهم جاء اخوي وانا كنت قاعده امر

بسرعه على الرسائل الي ارسلها وشاف الصوره الي عليها كلام حب راح سحب

مني الجوال بقوه وقام يسبني ويطقني ]فضحنا الله يفضحه[ مسوي لي فيها شريف

مكه وانا انقهرت منه باي حق يجي يسوي كذا!!!!اولا مايصلي ثانيا يغازل ثالثا

يتفرج افلام زي وجهه رابعا يدخل دردشه واللهم مااكذب هذا غير اخلاقه الوسخه

وحركاته وتعامله مع ابوي وامي رحت طقيته وسبيته وابوي واقف مع اخوي

وقاعدين يتوعدون فيني وانا قمت ارد عليهم بصراحه مااقدر اسكت وفي احد

يهيني ويدوس على كرامتي وانا قمت اهدد وقلت لهم والله لاوريكم اذا دخلت

الجامعه والله لافلها وافل امها وابوها وطول الوقت واحنا نتهاوش لين ماوصلنا

البيت جيت بافهم ابوي السالفه راح شات علي النعله انا خلاص ولعت وقلت طيب

والله بتشوفون وخلي ولدك هذا ينفعك وعلى انحشت على غرفتي وابوي زعلان

وامي بعد ولااحد راضي يفهم وامي تقولي انت غلطانه قلت لها والله ماارسلت كلام

حب اصلا والله مااعرف هو الي ارسل وانا ماادري انه بنت او ولد وانا مو مقتنعه

اني غلطانه الى الان وكلهم يقولون انك غلطانه من راااااااسك

لين رجولك!!!!!!وهذا الموقف قبل ثلاثه اسابيع ومقهوووره من اخوي

لانه طيحني من عين ابوي بدون ذنب!!!!!؟؟؟؟؟؟))


تـكـفـون عـلـمـونـي وش الـصـح؟؟؟!!! وش الــغــلط؟؟؟!!!

ومـيـن الـغـلـطــااااااااان؟؟؟!!!

انــــــــتـــــــــظــــــــــــركـــــــــم

معاينة صفحة البيانات الشخصي للعضو http://sorea2009barsa1994.yoo7.com

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى